091-471-2724001
contact@archtvm.in

DAILY GOSPEL REFLECTIONS

Bible Passage

വിചിന്തനം: ചുങ്കക്കാരുടെ ഒരു നേതാവായിരുന്നു സക്കേവൂസ്. റോമന്‍ ഭരണാധികാരികളില്‍ നിന്ന് പ്രാദേശിക ചുങ്കപ്പുരകള്‍ ലേലത്തില്‍ പിടിച്ചശേഷം കരംപിരിക്കാന്‍ മറ്റാളുകളെ നിയോഗിക്കുന്ന ഒരു കോണ്‍ട്രാക്റ്റര്‍. തത്ഫലമായി അയാള്‍ ധനവാനായി (രള. ലൂക്കാ 19:2). യേശുവിന്റെ പ്രബോധനങ്ങളെയും പ്രവൃത്തികളെയുംകുറിച്ചും സമുദായത്തിലെ തീണ്ടല്‍ തൊടീല്‍കാരുമായി അവിടുത്തേക്കുള്ള സമ്പര്‍ക്കങ്ങളെക്കുറിച്ചും മുമ്പേ കേട്ടിരുന്നതുകൊണ്ടാവണം, അവിടുത്തെ നേരിട്ടൊന്നു കാണാന്‍ സക്കേവൂസ് ആഗ്രഹിക്കുന്നത്. തൊഴിലിനോടുള്ള മതപരമായ മുന്‍വിധിയുടെ പേരില്‍ 'പാപി' എന്ന് മുദ്രകുത്തി (ലൂക്കാ 19:7) സമൂഹം പുറത്താക്കിയിരുന്ന സക്കേവൂസ് തന്നെ കാണാന്‍ ചെയ്യുന്ന പ്രത്യേക പരിശ്രമങ്ങള്‍ യേശുവും മനസിലാക്കുന്നുണ്ട്. ശുദ്ധര്‍, അശുദ്ധര്‍ എന്നും, പുണ്യവാന്‍, പാപി എന്നും മനുഷ്യരുണ്ടാക്കിവച്ച അതിര്‍ത്തികള്‍ ലംഘിക്കാന്‍ ധൈര്യപ്പെടുകയാണിവിടെ യേശു. ജനങ്ങളെ തൊഴിലിന്റെയും മറ്റും അടിസ്ഥാനത്തില്‍ ഇനം തിരിക്കുന്നതും സക്കേവൂസിനെപ്പോലുള്ളവരെ കണ്ണില്‍പെടാനാവാത്തവിധം നിസാരരായി തള്ളിക്കളഞ്ഞതുമായ ഒരു സമൂഹത്തിന്റെ മതപരമായ മുന്‍വിധികളുടെ വേലിക്കെട്ടുകളെ തകര്‍ക്കാന്‍ ധൈര്യം കാട്ടിയ യേശുവിന്റെ മനോഭാവം നമുക്കും പിന്‍ചെല്ലാം. .

@Pastoral Ministry

Pastoral Ministry

Copyright © 2008 - 2018 Media Commission, Latin ArchDiocese Trivandrum
Web Designed by Preigo Fover Technologies